ချေးငွေအရာရှိများဒီဂျစ်တယ်ငွေကြေးအသိပညာစွမ်းရည်မြှင့်သင်တန်း

မြန်မာနိုင်ငံ၏ အသေးစားချေးငွေလုပ်ငန်းများ ကို ဒီဂျစ်တယ်စနစ်သို့ပြောင်းလဲခြင်းသည် အလွန်အရေးကြီးသော လုပ်ဆောင်ချက်တစ်ခုဖြစ်ပါသည်။ ထိုသို့လုပ်ဆောင်ရာတွင် ဒီဂျစ်တယ်စနစ်သို့ ပြောင်းလဲသော နည်းပညာများက အရေးကြီးသလို စနစ်ကို လိုက်လံအသုံးပြုမည့်သူများဖြစ်သော အသေးစားချေးငွေလုပ်ငန်းများ၏ ချေးငွေယူသူများ သည်လည်း ထိုနည်းပညာများကို အသုံးပြုနိုင်ရန် လိုအပ်ပါသည်။ ထိုသို့အသုံးပြုလာနိုင်ရန်အတွက် အနီးကပ် ပံ့ပိုးကူညီသူများမှာ အသေးစားချေးငွေလုပ်ငန်းများမှ ချေးငွေအရာရှိများသာ ဖြစ်ပါသည်။ ချေးငွေအရာရှိများသည် ချေးငွေအဖွဲ့အစည်း ၏ ရည်မှန်းချက်၊ ရည်ရွယ်ချက်များကို ချေးငွေယူသူများအကြား  ရင်းနှီးကျွမ်းဝင်လာအောင် မိတ်ဆက်ပေးပြီး အကောင်အထည်ဖော်ရာတွင် အဓိက လုပ်ဆောင်သောသူများလည်း ဖြစ်ပါသည်။ ဒါကြောင့်မို့ ဒီသင်ခန်းစာသည် ချေးငွေယူများက အဖွဲ့အစည်းမှ အကောင်အထည်ဖော်လိုသော ဒီဂျစ်တယ် စနစ်ကို ကောင်းစွာ သိရှိနားလည်ပြီး ချေးငွေယူများအကြား ပံ့ပိုးကူညီမိတ်ဆက်ရင်း စနစ်ကို ကောင်းစွာ အကောင်အထည်ဖော်နိုင်ရန် ရည်ရွယ်ပါသည်။

စနစ်တစ်ခုကို ပြောင်းလဲအသုံးပြုရာတွင် အရေးကြီးသော အချက်များမှာ

• ထိုစနစ်က အသုံးပြုရန် လွယ်ကူခြင်း

• ထိုစနစ်ကို ယုံကြည်ခြင်း

• အခက်အခဲတစ်စုံတစ်ရာ တွေ့ကြုံပါက ပံ့ပိုးကူညီမည့်သူ/နေရာကို သေချာစွာသိခြင်း

တို့ ဖြစ်ပါသည်။

အသေးစားချေးငွေလုပ်ငန်းမှ ဝန်ထမ်းများအတွက် အရည်အသွေးမြှင့်တင်ခြင်းဆရာဖြစ်သင်တန်း ၏ အဓိက ရည်ရွယ်ချက်မှာ

• ချေးငွေအရာရှိများအား ပြောင်းလဲလာသော ဒီဂျစ်တယ်စနစ်များကို စနစ်တကျ သိနားလည်စေရန်

• အဖွဲ့အစည်း၏ ဒီဂျစ်တယ်စနစ် အရွေ့အပြောင်းကို စနစ်တကျ နားလည်ပြီး အကောင်အထည်ဖော်နိုင်စေရန်

• ချေးငွေယူထားသူများအား ပြောင်းလဲလာသော ဒီဂျစ်တယ်စနစ်ကို လက်ခံယုံကြည်ပြီး အသုံးပြုလာနိုင်အောင် ကူညီပေးရန်

တို့ ဖြစ်ပါတယ်။

အသေးစားချေးငွေလုပ်ငန်းမှ ဝန်ထမ်းများအတွက် အရည်အသွေးမြှင့်တင်ခြင်းဆရာဖြစ်သင်တန်း တွင် ပါဝင်သော သင်ခန်းစာများမှာ

၁။ ဒစ်ဂျစ်တယ်ငွေကြေးဆိုင်ရာ ဝန်ဆောင်မှုများ (Digital Financial Services) အကြောင်း မိတ်ဆက်ခြင်း

• ဒီဂျစ်တယ်ငွေကြေး ဝန်ဆောင်မှုဆိုတာဘာလဲ

• မတူညီတဲ့ ဒီဂျစ်တယ်ငွေကြေး ဝန်ဆောင်မှုများ

• မြန်မာနိုင်ငံမှာ အသုံးများတဲ့ ဒီဂျစ်တယ်ငွေကြေး ဝန်ဆောင်မှုများ

၂။ ချေးငွေအရာရှိတစ်ယောက်၏ ကဏ္ဍနှင့် အရေးပါပုံ (The Role Of The Loan Officer)

• ချေးငွေအရာရှိတစ်ယောက်က ဘာတွေလုပ်ဆောင်သလဲ

• ချေးငွေအရာရှိတစ်ယာက်ရဲ့ ဦးစားပေးအလုပ်တွေက ဘာတွေလဲ

• ချေးငွေအရာရှိတစ်ယောက်က ဘယ်လိုအကျိုးသက်ရောက်မှုတွေ ရှိသလဲ

၃။ ဒီဂျစ်တယ်ငွေကြေးဖြင့် ချေးငွေပေးခြင်း (Digital Loan Disbursments)

• ဒီဂျစ်တယ်ငွေကြေးဖြင့် ချေးငွေပေးခြင်း ဆိုတာဘာလဲ

• ဒီဂျစ်တယ်ငွေကြေးဖြင့် ချေးငွေပေးသော ပုံစံများ

• ဒီဂျစ်တယ်ငွေကြေးဖြင့် ချေးငွေပေးရာတွင် ဆောင်ရန်၊ ရှောင်ရန်များ

၄။ ဒီဂျစ်တယ်ငွေကြေးဖြင့် ချေးငွေပြန်လည်ပေးဆပ်ခြင်း (Digital Loan Repayments)

• ဒီဂျစ်တယ်ငွေကြေးဖြင့် ချေးငွေပြန်လည်ပေးဆပ်ခြင်း ဆိုတာဘာလဲ

• ဒီဂျစ်တယ်ငွေကြေးဖြင့် ချေးငွေပြန်လည်ပေးဆပ်သော ပုံစံများ

• ဒီဂျစ်တယ်ငွေကြေးဖြင့် ချေးငွေပြန်လည်ပေးဆပ်ရာတွင် ဆောင်ရန်၊ ရှောင်ရန်များ

၅။ ဒီဂျစ်တယ်ငွေကြေးဖြင့် ငွေလွှဲပြောင်းခြင်း (Digital Cash Transfer)

• ဒီဂျစ်တယ်ငွေကြေးဖြင့် ငွေလွှဲပြောင်းခြင်း ဆိုတာဘာလဲ

• ဒီဂျစ်တယ်ငွေကြေးဖြင့် ငွေလွှဲပြောင်းသော ပုံစံများ

• ဒီဂျစ်တယ်ငွေကြေးဖြင့် ငွေလွှဲပြောင်းရာတွင် ဆောင်ရန်၊ ရှောင်ရန်များ

၆။ ချေးငွေယူသူများအတွက် အသိပညာပေး သင်ခန်းစာပလက်ဖောင်း (Tools For SME/Clients)

• ငွေဥယျာဉ် ဒီဂျစ်တယ်သင်ခန်းစာ ပလက်ဖောင်းက ဘာလဲ

• ငွေဥယျာဉ် ဒီဂျစ်တယ်သင်ခန်းစာ ပလက်ဖောင်းမှာ ဘာသင်ခန်းစာတွေ ပါဝင်လဲ

• ငွေဥယျာဉ် ဒီဂျစ်တယ်သင်ခန်းစာ ပလက်ဖောင်းကို မိတ်ဆက်နည်း အမျိုးမျိုး

• ဒီဂျစ်တယ်ငွေကြေး အပလီကေးရှင်း တစ်ခုကို ချေးငွေယူသူများအား မိတ်ဆက်ပေးခြင်း

၇။ ချေးငွေယူသူများအား ဒီဂျစ်တယ်ပလက်ဖောင်းများကို ရင်းနှီးကျွမ်းဝင်လာအောင် မိတ်ဆက်ပေးခြင်း (Onboarding Clients)

• စနစ်တစ်ခု၊ အကြောင်းအရာတစ်ခုကို ရင်းနှီးကျွမ်းဝင်လာအောင် မိတ်ဆက်ပေးခြင်းဆိုတာ ဘာလဲ

• ဒီဂျစ်တယ် ပလက်ဖောင်းများကို ချေးငွေယူများနှင့် မိတ်ဆက်ပေးခြင်း

• မတူညီသော မိတ်ဆက်ပေးခြင်း ပုံစံများ

အဖွဲ့အစည်း၏ ရည်မှန်းချက်၊ ရည်ရွယ်ချက်များကို အကောင်းအထည်ဖော်နိုင်ရန်အတွက် အဖွဲ့အစည်းနှင့် ချေးငွေယူသူများအကြား ပေါင်းကူးတံတားသဖွယ် ပြုမုလုပ်ဆောင်ရင်း ဒီဂျစ်တယ်စနစ် အပြောင်းအလဲမှာ ပါဝင်လုပ်ဆောင်လိုက်ကြရအောင်ပါ။

သင်ခန်းစာများကို နားလည်သိကျွမ်းရုံသာမကပဲ မြန်မာနိုင်ငံ၏ အသေးစားချေးငွေလုပ်ငန်းများ ဒီဂျစ်တယ်စနစ် ပြောင်းလဲသော အရွေ့မှာ ပါဝင်လုပ်ဆောင်ရင်း မြန်မာ့ဒီဂျစ်တယ်စီးပွားရေးစနစ်ကိုပါ အကောင်အထည်ဖော်နိုင်အောင် ဝို်င်းဝန်းပါဝင်ကြပါစို့ဟု တိုက်တွန်းပြောဆိုလိုက်ပါသည်။